Bacolod Yuhum Foundation nangayo pasaylo matapos wala maimbitar ang katapo sang media sa launching kag sponsor’s night.
Sa ginhiwat nga sponsor’s night gin-unveil nanday Mayor Albee Benitez kag katapo sang Yuhum Foundation ang MassKara Festival 2023 logo kag official soundtrack.
Pero wala ang katapo sang media naimbitar sa okasyon.
Paathag ni Mate Espina, spokesperson sang Yuhum Foundation, indi nila tuyo nga wala sa sponsor’s night ang katapo sang media bangud may separado nga media launching nga natalana sa Sabado para sa katapo sang media.
Nangayo man sila sang pasaylo kag paghangup sa natabo bangud ang sponsors night ang ginpatigayon lang upod sa katapo sang konseho sang siudad kag mga sponsors nga nagpalab-ot sang supporta para sa nagahilapit nga tuigan nga kahiwatan.
Nabaton kag nahangpan man sang katapo sang foundation ang mga negatibo nga reaksyon sa ginpa gwa nga logo design nga obra sang Bacolodnon nga international artist kag pati na sa ginpabati nga official soundtrack sang Masskara Festival.