Humalin sang nagligad nga inadlaw nangin masako na ang mga trabahador sa pag-install sang mga rides para sa ginatukod nga carnival sa likod sang Bacolod City Government Center.
Dungan sini ang paghikot man sang dugang pa nga mga requirement sang Bacolod Yuhum Foundation Incorporated nga amo ang maga-manage sang mga carnival kag iban pa nga mga kiosko sa mga festival sites sa nagahilapit nga Masskara Festival.
Ginapasiguro man ni Kayte Matiling, Presidente sang Yuhum Foundation nga mapaiway ang panahor ilabi na ang perya sa sulod sang carnival area.
Si Bacolod City Police Office Director Colonel Noel Alino damlag pa nagapaandam nga indi niya pahanugutan ang pag-operate sang perya sa mga festival site ilabi na sa mga ginahiwat nga fiesta sa mga kabarangayan.
Nagapati si Aliño nga ang perya ang masami ginahimu nga panahoran kag ugat sang mga kinagamo kag pagluntad sang kriminalidad.