Konseho sang Bacolod nagpasar sang resolution para ipanawagan sa Korte Supreme pagdumili sang commercial fishing sa mga municipal waters.
Ginsiling ni Councilor Thaddy Sayson, pamuno sang Committee on Agriculture sang konseho nga sumugod nga gindumilian ang commercial fishing sa sulod sang 15 kilometers municipal waters halin sa baybay madamo nga mga mananagat sa siudad ang nalipay.
Pero karon naga-upod siya sa kahangawa sang mga fisherfolk organization kag bisan iban pa mga LGU nga indi pabor sa desisyon sang Korte Suprema nga tugutan ang mga commercial fishing sa sulod sang 15 kilometers sandig sa Fisheries Code of the Philippines.
Sa session sang konseho, natigayon nga napasar ang resolution nga iya ginduso agud ipanawagan ang reversal sang nangin desisyon sang korte.
Sang nagligad nga Martes, kasubong nga napasar sa Sangguniang Panlalawigan ang resolution nga nagapabutyag sang grave concern sa desisyon sang Korte Suprema nga naga kakas sang jurisdiction sang local government unit sa municipal waters.