Matapos sang masobra duha ka bulan, liwat na nga nag panaog sa triple digit ang active cases sa Bacolod City matapos mag record kahapon ang siudad sang 290 ka new recoveries kag 32 lang ka bag-o nga kaso.
819 na lang karon ang total active cases sa Bacolod City nga nag peak sa masobra dos mil ka active cases nga kaso sang Hunyo.
Amo na ini ang pinakanubo nga active cases sa Bacolod humalin sang bulan sang Mayo.
Samtang ang Negros Occidental kag Oriental ang padayon man nga naganubo ang active cases.
Ang negros occidental nga may 34 nga bag-o nga kaso kag 75 new recoveries kahapon ang may ara na lang sang 1,109 active cases.
Samtang nag panaog pa gid sa 428 ang active cases sa Negros Oriental matapos mag record kahapon sang 103 new recoveries kag 30 new cases.