Anum ka mga inspection team gintalana sa mga borders kag port of entry sa Bacolod agud mapabaskog ang tikang kontra sa African Swine Fever.
May masobra kwarenta tanan ka mga personnel ang gindugang sang natukod nga African Swine Task Force sa siudad nga amo ang hugot nga magabantay batuk sa pagsulod sang mga pork kag pork products halin sa iban nga mga lugar.
Suno kay City Administrator Atty. Boyet Maghari, maid-id nga usisaon sang gintalana nga inspection team sa mga borders kag port of entry sa siudad pati ang manifesto sang mga nagabyahe nga delivery van pasulod sa Bacolod.
Si Mayor Albee Benitez ang natalana magasapol sa katapo sang Regional Development Council para sa pagtukod sang joint ASF regional task force.
Sa sini nga hapon magasapol man ang siudad upod sa National task force agud mapatpat ang mga dugang nga tikang sa pagpabaskog sang kampanya kontra sa ASF.