Isa ka 31 anyos nga lalaki nga unemployed sa Barangay Sum-Ag ang nagpositibo sa Covid-19 Delta variant.
Samtang isa naman ka healtcare worker nga 32 anyos nga lalaki ang dugang man nga kaso sang Delta variant sa Barangay Singcang-Airport.
Suno kay Dr. Chris Sorongon, deputy for Medical Data And Analysis Sang Bacolod Emergency Operation Center, fully recovered na ang duha ka mga dugang nga Delta variant cases nga lunsay symptomatic,
Ukon may ginbatyag nga hilanat, ubo, allergic rhinitis kag sore throat.
Separado nga ginpaidalom sa lockdown ang ila mga puluy-an kadungan sang liwat nga swab test.
Sa Barangay Singcang-Airport, natigayon man ang pag-swab test sa walo ka mga kaupod sa puluy-an sang healthcare worker suno kay Punong Barangay Rosinie Distrito.
May duha na ka Delta variant cases sa barangay magluwas sa natalupangdan nga clustering of cases kun diin 20 ang nalatnan sang virus.
Gani hugot ang panawagan sang punong barangay sa pumuluyo nga maghalong kag striktohon ang pagsuksok sang facemask kag pagsunod social distancing.
Padayon man ang paghinyo sang siudad sa pumuluyo nga magpabakuna sa mga vaccination center agud mapaiway ang pagka-utas sang kabuhi tuga sang Covid 19.
Sa record sang EOC, ang bacolod ang may dose na tanan ka mga Covid-19 Delta cases kag fully recovered na sila tanan.