Shadow

Bacolod may 2 ka bag-o ng isolation facilities

CDRRMO photo

Makabig nga yara na sa kritikal ang sitwasyon sang mga ospital sa Bacolod nga nagalab-ot na sa 86 porsyiento ang utilization capacity rate tungod sang nagasaka man nga kaso sang Covid-19 sandig sa record sang Emergency Operation Center.

Gani magluwas sa gintalana nga dugang nga isolation facility sa Barangay Handumanan, duha pa ka isolation facility ang idugang sang siudad para matatapan ang kadamuon sang mga Covid-19 patients.

Nagapanugyan man karon si Dr. Anna Marie Laarni Pornan sa mga pasyente kag sa ila mga himata nga nagakinahanglan sang hospital care nga magpakig-angut sa ila one hospital command center agud nga ma-refer sila sa ospital nga sarang nila makadtuan.

Tungod man sang kadamuon sang mga Covid-19 patients nga nagahinyo sang bulig, madamo sa mga health care personnel sang disaster risk reduction management office ang may kabudlayan sa pagserbisyo bangud sang sitwasyon.

Magluwas abi sa pagrespondi sa mga emerhensya, pila sa ila ang gintalana man sa extraction team.

Sa pihak sang sitwasyon sang mga ospital, hugot nga nagapanawagan ang pamunuan sang drmmo upod sa eoc sa pumuluyo nga magpabakuna sa mga Covid-19 vaccination centers kag kun nagabatyag sang sintomas sang Covid-19 indi gid magduha duha nga magpakunsolta kag ipaiway ang self medication agud man indi mabutang sa peligro ang ila kabuhi.

Leave a Reply

Your email address will not be published. Required fields are marked *

Secured By miniOrangeSecured By miniOrange