Masako karon nga ginahanda sang Department of Social Services and Development sang Bacolod ang mga dokumento para sa ginapaabot nga financial assistance sa mga nagub-an sang puluy-an tuga sang Bagyo Odette.
Sa record sang DSSD, may 746 ka mga puluy-an ang totally destroyed kag masobra sa otso mil ang partially damaged.
Suno kay Pacita Tero, ginatinguhaan nila nga matapos ang tanan nga requirement agud bisan paano mauna nga mapanagtag ang tag-dies mil pesos nga ayuda para sa mga nawad-an sang balay.
Tag-sinko mil kag dos mil pesos naman para sa mga partially kag slighty damage nga mga balay.
May kinse milyones pesos ang ginpain nga pondo sang siudad nga manggikan sa calamity fund agud nga ibulig sa mga nahalitan sang bagyo.
Ang Bacolod ang napaidalom sa state of calamity.