Shadow

Bacolod maga dayalogo sa tenants sang Manokan Country para sa PPP Project

YouTube player

Local government sang Bacolod natalana maga-dayalogo sa mga tenants sang Manokan Country nga mangin prayoridad sa ginadihon nga Public Private Partnership project.

Natalana naman ang publication sang proposed Public Private Partnership project sang siudad sang Bacolod upod sa SM Prime Holdings para sa Manokan Country project sa Reclamation Area.

Ini ang pagasundan sang Swiss Challenge System agud matagaan sang kahigayunan ang iban pa nga mga proponent para sa PPP project.

Suno kay City Administrator Pacifico Maghari maga-dayalogo man ang siudad upod sa mga tenants sang Manokan nga amo tagaan prayoridad sa tion nga matigayon ang project proposal.

Tinutuyo sang siudad nga mapatahum kag ma-develop pa ang Manokan Country nga naga-serbe nga atraksyon sang siudad.

Sa bulig sang pribado nga komboyahan, luyag man sang siudad nga ma-develop ang kapin 1.3 hectare nga propiedad, nga nalakipan sang Vendors’ Plaza  nga yara lang sa kilid sang mall.

Nanindugan na sadto ang mga taga-Manokan batuk sa ginakabig nila pag-privatize sang Manokan sa kabalaka nga indi nila masarangan ang bulanan nga renta sa mga stalls.

Suno kay David Montoya, presidente sang Manokan Country Brotherhood Vendors Association, wala pa sila sang schedule bahin sa ginadihon nga dayalogo pero handa sila nga pamatian ang plano may kaangtanan sa PPP project.

Secured By miniOrangeSecured By miniOrange