Bacolod LGU may P1M nga nakinot sa bulanan nga balayran sa kuryente sang nagsugod operate ang mga solar power installation projects.
Humalin sang nangin operational na ang solar power installation project sa Bacolod City Government Center kag sa iban pa nga barangay sa siudad, natigayon nga nakakinot sang kapin P1M ang siudad sa bulanan nga balayran sa kuryente.
May 14 pa ka mga solar power installation project sa mga barangay. Sa kabilugan sarang ini maka-generate sang 1,000 kilowatt peak capacity.
Nalakip sa mga operational kag malapit na matapos ang sa Barangay Handumanan, Singcang-Airport, Tangub, Pahanocoy, Sum-ag, Punta-taytay, Barangay 16, Felisa, Estefania kag Cabug.
May kapin P100M nga pondo ang ginpain gikan sa loan agreement para sa solar power installation project kabahin sang tikang para mapabaskog ang kampanya angut sa power conservation kag environmental protection gamit ang renewable energy.