Richard
P45.4 million ang balor sang tatlo ka mga heavy equipment nga ginbakal sang siudad sang Bacolod agud nga mag dugang pwersa sa padayon nga pagkutkot sang mga suba kag creek sa siudad.
Ini agud padalumon ang mga suba nga nagnabaw na bangud sa mga higko kag lutak.
Kahapon ginpatigayon ang blessing sang tatlo ka heavy equipment nga ginalakipan sang isa ka mini amphibious excavator, 6 ka wheeler dump truck, kag long arm nga crawler excavator.
Ginsiling ni Mayor Greg Gasataya nga ang mga equipment magaserbe nga dako nga bulig agud indi na ma delay ang pagkutkot sang mga mayor nga waterways sang siudad.
Pagahatagan sang dako nga pagtamod ang suba sa Mandalagan kag Banago bangud ini ang dako nga problema sang siudad, ilabi na nga madasig ini mag-awas kun magbunok ang ulan.
Tuyo sang siudad nga makakuha sang 9,000 cubic meters nga higko sa Mandalagan river, bangud madasig ini mag-awas kun magbunok ang ulan.
Ini man ang ginatunaan sang masami nga flash flood sa purok Carvic.
Ginklaro ni Gasataya nga ang sa pagkutkot sa Mambuloc creek ang iya na nga proyekto sang Department of Public Works and Highways kag nagabulig sila paagi sa mga force multipliers.
Kun matapos na ang pag kutkot sa Mandalagan kag Banago, pagasuguran naman gilayon ang dredging sa Lupit kag Magsungay river.*
[sibwp_form id=1]