Nomination para sa Banwahanon Awardee ginasuguran na sang Bacolod LGU.
Kada tuig ginakilala kag ginapasidunggan sang siudad ang mga indibidwal kag organisasyon nga nakabulig sa pagsanyug sang Bacolod sa patag sang ekonomiya, culture, social, moral, kag educational development.
Ini ang prestihiyoso nga pagkilala nga ginahatag sang Bacolod LGU dungan sa pagsaulog sang tuigan nga charter anniversary sa Hunyo.
Gani karon pa lang ginasuguran na sang Bacolod LGU ang pagbaton sang mga nomination.
Anum ang pili-on gikan sa nagkalain-lain nga sektor. Sa Mayo 24 ang deadline sang nomination.