Bacolod LGU magabulig sa Oplan Baklas sang COMELEC sa pagsugod sang local campaign period.
Duha ka adlaw nga maga-lunsar sang Oplan Baklas ang COMELEC-Bacolod upod sa Bacolod LGU halin Biyernes asta Sabado.
Kabahin ini sang tikang sa pagsugod sang local campaign period.
Ginsiling ni City Election Officer Revo Sorbito nga magasugod ang pag pangakas nila sang illegal campaign materials sa dalan Lacson.
Ang local Comelec office ang maga-inventory sang mga mahakot nga illegal campaign materials kag ila ipadala sa COMELEC main office nga amo ang maga-file sang notice kag posible kaso sa mga tag-iya sang illegally posted nga mga tarpaulin kag iban pa nga campaign materials.
Gindugang ni Secretarty to the Mayor Jose Marty Go nga magatalana ang siudad sang tatlo ka mga teams gikan sa mga city deparment agud magbulig sa COMELEC.
Ginpasalig niya nga wala sang exemption sa Baklas Operation kag mangin patas ang pagkakas sang mga local campaign materials ilabi na ang mga oversized kag wala nabutang sa designated common poster areas.