Magabakal ang City Government sang Bacolod sang 10 ka electric vehicles nga naga balor sang masobra ₱14 milyon. Office supplies ang gin-turn-over man.
Sa ginpatigayon nga turn-over ceremony sa Bacolod City Police Office Headquarters, ginbaton ni BCPO Director Police Colonel Joeresty Coronica ang mga gin-donate nga kagamitan.
Kabahin sa donasyon ang 36 ka units sang computers kag printers nga ipanghatag sa nagkalain-lain nga police stations kag mobile forces sa Bacolod City.
Gin-turn over man ang 40,000 rounds sang 9mm ammunition nga iga gamit sa padayon nga training sang BCPO SWAT personnel.
Sa pihak sini, magabakal man ang City Government sang Bacolod sang 10 ka electric vehicles nga naga balor sang masobra ₱14 milyon, nga iga-turn over sa 10 ka police stations sang syudad.
Suno kay Bacolod City Mayor Greg Gasataya, ang mga electric vehicles magabulig sa kapulisan, ilabi na sa paglikaw sa problema sa gasolina kag mas mapa dali ang operasyon kag patrolya sa siudad.
Ginpahayag man sang alkalde nga handa na ang pondo kag ginaproseso na lamang ang mga dokumento, gani posible nga sa masunod nga mga binulan maturn-over na ang mga electric vehicles sa BCPO.*