Bacolod LGU kag SB Corporation nagtukod sang kasugtanan para mabuligan ang mga MSMEs paagi sa financing program.
Indi tanan nga mga magagmay nga negosyante ang may kahigayunan nga makahulam sang kwarta para dugang ukon pang-kapital sa Negosyo.
Gani luyag sang Small Business Corporation mabuligan ang mga pareho sang mga micro small and medium enterprise upod ang Bacolod City LGU.
Ginsiling ni SB Corporation President and CEO Roberto Bastillo nga sa bulig sang Local Economic Development and Investment Promotion Office sang siudad target nila nga matagaan oportunidad nga makahulam sang kwarta ang mga MSMEs.
Ang SB Corporation isa sa mga financing arm sang Department of Trade and Industry.
Sa ginpatigayon nga road show, pila ka mga applicants nga loan beneficiaries ang nagbaton sang cheke.
Upod sa ceremonial signing sang kontrata si incoming Mayor Greg Gasataya nga nagapati nga dako ang mabulig sang financing program para mas mapasanyog ang Negosyo sa siudad.
Nagtambong man sa road show ang mga city officials, katapo sang business sector kag mga fisherfolk and farmer organizations.