Ginpirmahan ni Bacolod City Mayor Greg Gasataya ang kasugtanan kaupod ang Department of Energy para sa pagtukod sang Waste-to-Energy (WTE) facility, nga magahatag kuryente halin sa basura kag mangin isa sa mga una nga LGU sa Negros Occidental nga makapatigayon sini.
Pinaagi sa kasugtanan, isa ang Bacolod sa mga una nga LGU nga makapatukod sang Waste-To-Energy ukon WTE facility, kun sa diin mahimo maka-generate sang kuryente halin sa basura.
Indi lang ini magabulig sa paghatag sang enerhiya, kundi magabukas man sang oportunidad sa pag-ubra, resource recovery, kag pagpanubo sa kadamuon sang basura sa Bacolod. Ginapasanyog sini ang ekonomiya sa siudad pinaagi sa prinsipyo sang Circular Economy.
Dugang pa, ginpirmahan man ang Memorandum of Agreement para sa pag-install kag pag-deploy sang renewable energy equipment sa mga public buildings sang Bacolod.
Ini magahatag sang dugang nga benepisyo sa long-term sustainability kag pagpanubo sang energy cost sang siudad.*