Makigsapol si Bacolod City Councilor Dindo Ramos, pamuno sang Committee on Transportation and Traffic kay Land Transportation and Franchising Regulatory Board Atty. Vigor Mendoza II bwas nga adlaw agud talakayon ang foreclosure sang pila ka mga modernize jeepney cooperatives sa Bacolod.
Ini matapos nga walo sa napulo ka mga kooperatiba sa siudad ang nagapangatubang sang foreclosure gikan sa bangko bangud wala sila makabayad sang ila monthly amortization.
Ginsiling ni Ramos, kun madula gid man ang masobra 300 ka mga modernize jeepney units, posible nga pagahatagan nalang anay sang provisional authority ang iban nga mga traditional jeepneys agud indi pagkulangon ang nagabyahe sa dalan.
Sandig sa record sang Bacolod Alliance of Commuters, Operators, and Drivers ukon BACOD-Manibela, may 400 ka mga traditional jeepney sa siudad ang wala ginhatagan sang provisional authority.
Ginklaro man sang konsehal nga antes hatagan sang provisional authority ang isa ka traditional nga jeep, kinahanglan nga nakaayo ini kag road-worthy.
Ginsiling naman ni Bacolod City Mayor Greg Gasataya nga mangin dako nga epekto sa mga commuters ang pag dula sang 300 units sang modernized jeep.
Panawagan niya sa mga kooperatiba nga mangita sang solusyon agud ma settle ang ila mga balayran sa bangko.
[sibwp_form id=1]