Bacolod LGU ginatun-an ang pagtukod sang kasugtanan La Carlota kag banwa sang Murcia kabahin sa pagpanghanda sa paglupok sang bulkan.
Nabaton na sang Bacolod DRRMO ang proposal gikan sa Murcia LGU para sa ginadihon nga partnership kabahin sa pagpanghanda sa possible paglupok sang bulkan Kanlaon.
Ginsiling ni CDRRMO head Dr. Anna Maria Laarni Pornan, nagahulat man sila sang proposal gikan sa La Carlota City LGU para matun-an ang pagtukod sang kasugtanan enkaso magsaka ang alert level sa status sang bulkan.
May mga barangay sa La Carlota nga sakop sa mga apektado sang evacuation kun liwat nga maglupok ang bulkan.
Gani ginahanda na sang Bacolod DRRMO ang evacuation center sa Barangay Taculing kag Vista Alegre nga sarang dayunan sang mga magsobra nga evacuees gikan sa apektado nga LGU.
Gindugang ni Pornan nga ang siudad ang sarang magpadala sang equipment kag salakyan kag iban pa nga logistical support kun ginakinahanglan.