Bacolod LGU nagpaidalom sa evaluation para sa Seal of Good Local Governance. Isa-isa nga nagpaidalom sa assessment and validation ang tagsa ka mga city department para sa ginpatigayon nga national evaluation sang Department of the Interior and Local Government sa Bacolod City Government Center.
May kaangtanan ini sa pagkilala sang mga LGU paagi sa Seal of Good Local Governance.
Nangin basehan ini para sa Performance Based Bonus nga ginapalab-ot sa mga government employee.
Kabahin sang assessment ang Financial Administration and Sustainability, Disaster Preparedness, Social Protection and Sensitivity, Health Compliance and Responsiveness, Sustainable Education, Business-Friendliness and Competitiveness, Peace, and Order, Environmental Management, Tourism, kag Heritage Development, Culture, and Arts pati na Youth Development.
Nalakip sa nagpaidalom sa validation ang mga barangay nga nagpakita sang best practices sandig sa napulo ka criteria kag competencies.
Sa Nobyembre posible mahibaluan na ang resulta sang DILG evaluation para sa Seal of Good Local Governance.