Bacolod LGU booth sa Panaad Park and Stadium tuyo kuntani pa-rentahan sang siudad.
Agud makakuha sang dugang nga income para sa ginaplano nga Trust Fund tuyo sang Committee on Tourism sang konseho nga mapa rentahan ang portion sang designated LGU booth para sa Bacolod sa nagahilapit nga Panaad Festival sa Panaad Park and Stadium.
Ugaling nakasaad sa kontrata sa tunga sang Provincial Government kag iban pa nga LGU nga indi pwede mapa-rentahan ang mga LGU booth.
Suno kay Councilor Jason Villarosa, ila na gintugyan sa City Legal Office ang problema agud mapangitaan ini sang paagi.
Nag gwa man sa public hearing para sa ginadihon nga ordinansa sang konsehal nga may kapin P38,000 pa nga balayran ang siudad sa probinsya para sa operating expenses sang LGU booth sang 2021.
Kabahin sang option sang siudad amo ang pagkuha na lamang sang special permit para sa mga display booths nga pwede itukod sa sulod sang Panaad Park.