Probinsya sang Negros Occidental kag Bacolod city ang may pinaka manubo nga drug cleared barangays sa Western Visayas.
36.94 percent ukon 222 lamang sang 601 ka mga barangay sa probinsya ang drug cleared rason nga nabalaka si Negros Occidental Governor Eugenio Jose Lacson.
Paathag sang Philippine Drug Enforcement Agency daku ang nangin pagpanghangkat sang pandemya sa bilog nga proseso. Kasubong sang rehabilitation sang user nga apektado ilabi na sa mga barangay nga gin lockdown bangud sang COVID-19. Isa lamang ini sa mga requirement.
Indi man ma risgo sang PDEA ang ikaayong lawas sang ila nga personnel. May napulo sila ka agent nga damlag pa nag positibo sa virus sa Bacolod kag Negros Occidental. Maga dugang man sang personnel ang PDEA.
Suno sa gobernador, tungod sang sini nga mga rason, sarang mapasaka ang kadamuon sang barangay nga ma deklara nga drug cleared. Target sang probinsya sa 2021 nga mapasaka sa 70 percent ang drug cleared barangays.
Sa record sang PDEA, ang Antique ang may pinaka damo nga drug cleared barangays ukon 99.32 percent sa ila mga barangay ang drug cleared.
Ang Bacolod naman dose lamang sa 61 ka barangay ang drug cleared.
Ini tanan base sa datus sang 2020.