Wala na sang LGU sa Negros Occidental nga nabilin sa listahan sa red zone angut sa African Swine Fever. Ini kasunod sang pag upgrade sang Bacolod City kag Escalante City sa Pink Zone.
Ini base sa gin pa gwa nga ASF Zoning update sang National ASF Prevention and Control Program as of May 16, 2025.
11 na sa karon ka mga LGU nga damlag pa yara sa listahan sang red zone ang na upgrade sa pink zone sa Negros Occidental kag ini ang naga lakip man sang Kabankalan City, Hinigaran, La Castellana, Pulupandan, San Carlos, San Enrique, Silay City, Victorias City kag Valladolid. Sa Negros Oriental lima naman ang nalakip sa pink zone nga nagalakip sang Ayungon, Bais City, Manjuyod, Valencia kag Vallehermoso.
Paathag ni Dr Yasmin Tan, OIC sang Provincial Veterinary Office sang Negros Occidental ang yara sa pink zone maga apply pa para sa sentinelling. Kun indi mapatay ang mga sentinel nga baboy sarang na maka proceed sa pag sagod sang baboy.
“Wala pa sila (pink zone) dapat baboy kay ma sentinel sila, before sila mag officially mapasaka sa yellow”, suno kay Tan.
Sunod sa pink zone sa upgrading ang yellow zone. May duha naman ka mga LGU ang yara na sa yellow kag ini ang Bago kag Sagay. Matapos ang yellow zone sa upgrading ang light green kag dark green. May mga requirements sa tagsa ka mga category upgrade.
Wala sa gihapon nagabaton sang live nga baboy ang probinsya magluwas na lamang kun ini ang gikan sa accredited farms sa green areas man kag para lamang sa breeding kag dapat napaidalom ang baboy sa RT PCR test.