Bacolod City ang naga pabilin sa alert level 1 humalin Hunyo 1 tubtob Hunyo 15. Negros Occidental ang naga pabilin naman sa alert level 2.
Ini base sa IATF Resolution 168-A. Nakasaad man sa amo nga resolution nga ang siudad sang La Carlota, Victorias kag Sagay, kag mga banwa sang EB Magalona, San Enrique, Candoni kag Pulupandan sa idalom sang IATF Resolution 167-A, ang nagapabilin man sa alert level 1 tubtob Hunyo kinse.
Sa pihak nga bahin, Negros Occidental ang may 30 ka active cases sa karon sa May 26 nga report sang Provincial Incident Management Team. Isa ang bag-o nga kaso sa amo nga report.
Naglumpat sa 30 ang active cases sa Negros Occidental kasunod sang 19 new cases nga na record sadtong may 25.
Suno kay Dr Ernell Tumimbang, ang provincial health officer, magluwas sa amo nga adlaw, single digit ang mga new cases nga na-record sang probinsya gani indi masiling nga may pagsaka sa kaso sang Covid 19 sa Negros Occidental.