Maka-alarma na ang nagapadayon nga pagsaka sang dengue cases sa Bacolod.
Humalin sang Enero, naglab ot na sa 393 ang kaso sang dengue kag pito na ang dengue related deaths sa siudad.
Suno kay Dr. Grace Tan, pamuno sang Health and Sanitation Division sang City Health Office, 216.9% nga mas mataas ang kaso sang dengue kun ikumparar sa sang pareho nga period sang nagligad nga tuig nga may 124 ka kaso kag duha ang napatay.
Ginsiling ni Councilor Claudio Puentevella nga sa pihak sang kaalarma sa pagsaka sang dengue cases sa siudad indi pa nagakinahanglan ang magdeklarar sang state of calamity.
Gin-aprobahan na sang konseho ang resolution nga naga mando sa mga kabarangayan upod sa mga natungdan nga government agency nga pabaskugon pa ang kampanya kontra sa dengue.
Sa record sang City Health Office, ang Barangay Mansilingan amo ang may pinakamataas nga kaso sang dengue nga may 37 cases.