Shadow

Bacolod indi naman mag require sang RT-PCR test sa mga fully vaccinated individuals nga masulod sa siudad

Halos kada semana naga byahe pa Iloilo kag pa Bacolod ang negosyante nga si Rocky Cordero kaupod ang iya mga empleyado.

Gani magasto suno sa iya ang masobra katrose mil pesos nga balayran para sa gina-require negative RT-PCR test kada semana.

Humalin sang nagliligad nga semana wala na gin require sang mga local government unit sa Panay kag Negros Occidental ang negative RT-PCR test sa mga pasahero nga fully vaccinated.

Gani gin-consider man ni Mayor Evelio Leonardia ang pagpahalog sang travel restrictions sa Bacolod.

Suno kay Dr. Chris Sorongon, deputy for medical data and analysis sang Emergency Operations Center, isa man ka executive order ang natalana ipa-gwa sang alkalde angut sa pagdula sang negative RT-PCR requiremnt para sa mga fully vaccinated. Ugaling posible nga ang mga vaccination cards nga gin-isyu sang siudad kag vax certificate gikan sa Department of Information Communications Technology amo lang ang ila sarang nga batunon.

Sandig sa record sang EOC, may masobra na 156 mil ang fully vaccinated sa Bacolod.

Dako naman ini nga bulig para sa mga negosyante kasubong ni Cordero bangud bisan paano mabuhin-buhinan ang ila ginagasto para sa travel requirements.

Karon nga amat amat naman sila nga nagabangon sa epekto sang pandemic, nagalaum siya nga antes matapos ang tuig magabalik naman sa normal ang tanan.

Leave a Reply

Your email address will not be published. Required fields are marked *

Secured By miniOrangeSecured By miniOrange