Masobra sa 334,000 nga doses sang AstraZeneca vaccines nga kabahin sang 650,000 ka doses nga gin advance purchase sang Leonardia administration ang nag-expire na sa Department of Health central office.
Ginsiling ni Mayor Albee Benitez nga sa pag-courtesy call sang tiglawas AstraZeneca Pharmaceuticals Incorporated nagpanukot na ini sang P98 million para sa mga bakuna.
Pero ginpahayag sang alkalde nga indi magbayad ang siudad para sa nag-expire nga mga bakuna nga wala pa ma-deliver sa siudad.
May nabilin pa nga kapin sa 100,000 nga doses sang vaccines sa DOH central office pero ang mga ini ang natalana mag mag-expire matapos ang duha ka semana.
Ang Good Governance Committee pinaagi sa City Legal Office ang maga-review sa natukod nga multi-lateral agreement angut sa pagbakal sang mga bakuna.
Enero 2021 sang natukod ang multi-lateral agreement kag confidentiality agreement sa tunga sang Bacolod City government, DOH, National Task Force against Covid 19 kag AstraZeneca.
Nakabayad na sang P65 milyones ang siudad bilang advance payment.
Kapin 216,000 ka doses sang vaccines ang nadeliver kag napangbakuna na.