Bacolod IATF maga usisa kun may mga hotel kag pension house nga naga operate bilang quarantine facility sa siudad nga wala accreditation gikan sa Department of Health.
Indi pwede maka operate ang hotel kag pension house bilang quarantine facility, ilabi na para sa mga Covid-19 positive kun wala sang accreditation gikan sa Department of Health.
Gani suno kay Vice Mayor El Cid Familiaran,pamuno sang Bacolod Inter-Agency Task Force, dapat nga mausisa kag validate kun bala may yara sang sang pension house ukon hotel sa siudad nga wala sang accredition pero naga accomodate sang mga Covid-19 positive .
Ini matapos magwa ang report nga may yara sang pribado nga establishment nga naga baton sang Covid-19 positive .
Ginsiling man ni Familiaran nga ang tanan nga mga Covid-19 positive ang ginakuha sang extraction team nga amo naman ang naga-coordinate sa barangay kag sa mga natukod nga quarantine facility.
Ang Bacolod kag Negros Occidental government ang naghinyo sang kooperasyon sang mga hotel kag pension houses sang magsaka ang Covid-19 cases sang nagligad nga tuig.
Siling ni Provincial Administrator Rayfrando Diaz, tanan man nga quarantine facility nga gin-utilize sang probinsya ang may yara sang doh accreditation.
Pero kadam-an sa mga gingamit nga mga hotel kag pension houses, ilabi na para sa mga OFW ang wala naman karon ginagamit sang probinsya kag siudad bangud sang pagnubo sang Covid-19 cases
kag kakulang sang government medical personnel nga magabantay sa pasilidad.