Shadow

Bacolod EOC: Indi na masarangan sang Bacolod and hard lockdown

Ginsugdan na sang Bacolod Emergency Operation Center ang pag-inventory sang oxygen tanks pati na ang paghanda sang mga isolation facility kag mga hospital.

Suno kay EOC executive director Em Ang, magluwas sa hugot nga pagpatuman sang border kag travel restrictions, kabahin ini sang mga tikang agud mapaiway ang pagsulod sang Covid-19 Delta variant kag para man mapahagan-hagan ang sarang matuga sini nga problema.

Suno kay ang indi mataas ang hospital capacity utilization sa Bacolod sa karon.

Ang Iloilo City kag Iloilo province ang napaidalom karon sa enhanced community quarantine tuga sang Covid-19 delta variant. Ang Iloilo City ginpaidalom sumugod subong nga adlaw sa hard lockdown. Yara naman sa modified enhanced community quarantine ang Cebu tungod sang pagsaka sang Covid-19 cases kag may mga report na nga masako ang baklanay sang oxygen kag may pilahay na sa mga ospital.

Bangud apektado karon ang byahe sa mga puerto kag mga flight schedule sa airport. Ginsiling ni ang nga kun magsaka gid man ang Covid-19 cases, posible granular lockdown ang sarang nga ipatuman sa baylo nga hard lockdown.

Ang Bacolod ang nagapabilin karon sa low risk area sa kampanya kontra Covid 19. Gani padayon man ang panawagan sang pamunuan sang EOC sa publiko angut sa hugot nga pagsunod sa minimum health standard protocol para mapanubo pa ang kaso sang Covid sa siudad.

Leave a Reply

Your email address will not be published. Required fields are marked *

Secured By miniOrangeSecured By miniOrange