Ginasuguran na sang Bacolod LGU ang installation sang solar energy project sa Bacolod City Government Center kag mga barangay hall sa siudad.
Tinutuyo sang Benitez administration nga mangin handa ang siudad para sa renewable energy transition gamit ang renewable energy sources agud makakinot sang pondo kag mas mapangapinan ang palibot.
Gani pinaagi sa Local Government Energy Code natukod ang Energy Code Council nga amo ang magapasiguro sang mga tikang sa pagpatuman sang Republic Act 11285 ukon ang Energy Efficiency and Conservation Act. 2019 sang una nga nagdeklara ang Bacolod LGU sang climate emergency para mas mapasanyog ang pag-gamit sang renewable energy kabaylo sang fossil energy sources nga sarang makahalit sa palibot.
Kaupod ang katapo sang environmentalist organization kag Negros Occidental Provincial Government ginadihon na ang tikang para mangin isa ka renewable energy hub ang isla sang Negros sa idalom sang Negros Island Region.