Mga rescuers sang Disaster Risk Reduction Management Office kag mga kabarangayan nagpaidalom sa simulation exercise sa relocation site.
Ang pag responde sa sunog ang eksena sa simulation exercise sang City Disaster Risk Reduction Management Office sa Purok Progreso Village sa Barangay Vista Alegre sa Bacolod City.
Gani ginpakita man sang mga rescuers ang kadasigon sa pagkuha kag pagdala sang mga evacuees pakadto sa evacuation center.
Suno kay DRRMO head Dr. Maria Laarni Pornan, importante man sa emergency kag medical response ang husto nga pagtatap sa mga biktima sang kalamidad kag pagdul-ong sa ila sa nagakaigo nga pasilidad.
Upod sa nagpakigbahin sa simulation exercise ang mga rescue volunteers halin sa kabarangayan.
Tinutuyo sang DRRMO nga pinaagi sa simex mapasanyug pa ang mga tikang kag programa bahin sa disaster management response.