Shadow

Bacolod Comelec satellite registration natalana sa mall bwas

Masobra sa 600 ang na accommodate sa duha ka adlaw nga satellite registration sang Bacolod Comelec nga ginpatigayon sa mall sang nagligad nga semana.

Bwas natalana naman ang isa pa gid ka satellite registration sa City Mall Mandalagan kun sa diin ginapaabot nga ma accommodate ang mga 400.

Abiso sang Comelec, agud to nga mas mangin madasig kag masulhay dapat magdala sang photocopy sang mga kinahanglanon nga mga dokumento lakip na ID santo sa transakyson sang mga magapadulong didto.

Samtang, nag-apply man sang special voter’s registration ang Sangguniang Kabataan sa mga barangay para sa mga pamatan-on pero suno sa comelec wala pa sang approval gikan sa emergency operations center ilabi na nga yara sa general community quarantine ang siudad.

Suno kay Bacolod elections officer Atty Kathrina Trino–Cana atlo ka schedule sa nagkalain lain nga barangay ang application sang SK.

“May ara kita mga requirements nga dapat i-comply before kita maka conduct sang special satellite registration for them. That includes the approval of the EOC. As of sa subong wala pa kita kabaton man sang communication from Councilor Ayesha with regards to the approval sang EOC to their request sang special satellite registration,” suno kay Trino-Cana.

Leave a Reply

Your email address will not be published. Required fields are marked *

Secured By miniOrangeSecured By miniOrange