Bacolod Coastal Road Project kag iban pa nga pre-approved project sang Regional Development Council 6 para sa siudad ang magapabilin nga prayoridad sa idalom sang Negros Island Region.
Ang P10B nga Bacolod Coastal Road project nga maga angut sang Barangay Banago kag Punta Taytay sa Bacolod kabahin sa mga naaprobahan na nga proyekto sang Western Visayas Regional Development Council 6.
Gani bisan pa nangin kabahin na sang Negros Island Region ang Bacolod, nagapati si Mayor Albee Benitez nga magapabilin gihapon nga prayoridad ang coastal road project sa idalom sang bag-o tukod nga rehiyon.
Sa 2025, ginapaabot sang alkalde nga masuguran ang malapit 17 kilometer road project.
Ginapaabot sang alkalde nga malakip ini sa implementing rules and regulation nga matukod sang technical working group.
Nalakip na diri ang pila pa ka mga pre-approved priority project kasubong sang DSWD regional warehouse nga ginaplano itukod sa Cadiz City kag ang mangin resulta sang iya chairmanship sa bag-o nga mangin regional development council.