Sang nagligad nga bulan sang nagpatigayon sang clearing operation ang City Legal Office Enforcement Team sa Cuadra Street.
Pero makaligad lang ang pila ka semana balik naman ang pila ka mga hayob-hayob sa lugar.
Ginsiling ni City Legal Officer Atty. Karol Joseph Chiu natalana sila nga mag patigayon liwat ang clearing operation sa lugar.
Kabahin sa pagatagaan atensyon sang enforcement team ang mga vendors sa Bacolod Negros Occidental Highway nga nasakpan sang Barangay Cabug kag Sum-ag.
Indi malipod nga magluwas sa mga food stall, may pila na ka mga vendors ang nagtukod sang permanent structures sa kilid sang dalan.
May pila man ka mga motorista ang naga-reklamo batuk sa mga naga park nga mga truck kag iban pa nga illegal structures sa kilid sang Bacolod-Murcia Road nga nasakpan sang Barangay Mansilingan.
Nagpasalig ang pamunuan sang City Legal Office nga ini ang ila tutukan.