Civil Registrar’s Office gina-usisa sang Philippine Statistics Authority may angut sa foreign national nga na-issuehan sang birth certificate. Sang Miyerkules nagpadulong ang legal department sang Philippine Statistics Office sa talatapan sang Civil Registrar’s Office sang Bacolod.
Ini agud mausisa kun paano naka-acquire sang birth certificate ang isa ka Chinese National nga na-issue sang 2019.
Indi luyag ni Civil Registrar Atty. Hermilo Pauyon nga ma-detalye ang kaundan sang pagpang-usisa sang PSA. Pero suno sa iya, natigayon na nila present ang mga documents nga ginkinahanglan sa imbestigasyon.
Sa idalom sang pagpamuno ni Pauyon na issue ang birth certificate sa foreign national.
Iya ginklaro nga ministerial sa ila nga bahin ang pag issue sang kasubong nga public documents kun wala sang makit-an nga discrepancy sa mga na submit nga requirements.
Magluwas sa Bacolod, may gina usisa pa ang PSA nga issuance sang makabig questionable nga birth certificate sa Negros Occidental.