Ang Bacolod City Police Office wala sang may na record nga crime incident sa 14 diyas nga kahiwatan sang MassKara Festival 2025.
Ginsiling ni BCPO City Director Police Colonel Joeresty Coronica nga ang comprehensive security measures ang ginpatuman sa bilog nga festival sites — ini ang nagalakip sang event zones, concert areas, kag major crowd convergence points.
Ang heightened police visibility kag istrikto nga coordination sa mga security units ang nakabulig sa pag pabilin sang peace and order sa bilog nga kahiwatan.
Suno kay Coronica ini ang natigayon bangud man sang MassKara Festival Task Group, nga gina tapuan sang BCPO, iban pa gid nga law enforcement agencies, ang local government, kag private partners, nga nag hugpong.
Gina pasalamatan man ni Coronica ang dedikasyon sang BCPO personnel kag naga pasalamat man siya sa publiko sa ila nga kooperasyon sa bilog nga kahiwatan.
Sini na nga weekend ang highlights sang MassKara Festival.