Sa Marso 1 tubtob 7, gina paabot nga linibo ka mga atleta ang yari sa Bacolod para sa pinaka una nga Negros Island Region Athletics Association Meet. Padayon karon ang mas gin pabakod nga preparasyon para sa amo nga regional sporting event.
Ginpatigayon ang isa ka inter-agency coordination coordinating meeting sa Rizal Elementary School Heritage Building upod ang nagkalain-lain nga mga ahensya agud maplastar ang logistics, seguridad, traffic management, billeting, health protocols kag kahandaan sang mga venues.
Suno sa kay councilor Thaddy Sayson, Chairperson sang Committee on Appropriations and Finance, ginalauman nga magadala sang daku nga benepisyo ang pag-host sang siudad para sa NIRAAM 2026. Lakip diri ang pag-uswag sang lokal nga ekonomiya bangud sa pagdagsa sang linibo ka mga atleta, coaches kag ila pamilya.
Ginpahayag man nga makabulig ini sa pagtib-ong sang sports development sa kabataan kag pag pauswag sang grassroots sports programs, samtang ginapabakod ang reputasyon sang Bacolod bilang isa ka may kapasidad nga host sang nagkalain-lain nga regional kag national nga mga programa.*
[sibwp_form id=1]