Walo ang gin dugang nga mga bag-o nga kaso sang hand, foot, and mouth disease sa siudad sang Bacolod base sa pinakaulihi nga datus sang City Health Office sang morbidity week 28 ukon humalin Hulyo 6 tubtob 12 sini nga tuig. Gani nagsaka na sa 78 ang kadamuon sang mga kaso sang HFMD humalin sang Enero.
Masmataas ini sang 239% kun ikumpara sa amo man nga period sang nagligad nga tuig nga may 23 lang ka mga kaso.
Nagapanguna ang Barangay Villamonte nga may pinamadamo nga kaso nga naglab-ot sa 12.
Ginasundan ini sang Barangay Estefania nga may siyam; Mansilingan nga may walo; Singcang-Airport, Tangub, kag Cabug nga tig-anom.
64 ka mga bata nga nagapang-edaron sang isa tubtob napulo ka tuig ang naka angkon sang HFMD.
Proper hygiene parehos sang pagpanghugas sang kamot ang isa sa
mga pamaagi para maka likaw sa sini nga balatian mga masami rashes kag hilanat ang mga simtomas.