Napilian sang Metro Manila Film Festival ang Bacolod City nga mangin isa sa mga host cities para sa ika-52 nga MMFF sa Disyembre.
Ginsiling ni Bacolod City Mayor Greg Gasataya, nga magluwas sa Bacolod, host cities man ang Mandaluyong kag San Jose.
Ini ang pinakauna palang nga tion nga pagahiwaton sa gwa sang Metro Manila ang nasambit nga film festival.
Isa sa rason nga napilian ang Bacolod nga mag-host amo ang mataas nga sales sang MMFF sa siudad kada Disyembre.
Sa Disyembre 11, natalana nga magbukas ang MMFF kag kadungan sini, may patigayunon nga parada sa Bacolod. Kaupod sa parada ang mga artista nga nagpakigbahin sa sini nga tuig nga film festival.
Suno kay Gasataya, antes magabukas ang film festival, luyag man sang MMFF nga magpatigayon sang duwa ka adlaw nga training sa mga film makers sa Bacolod agud mapasangkad pa gid ang industrya sa siudad.
Nagapati man ang alkalde nga dako ang mangin impact sang film festival para sa turismo sang Bacolod.
[sibwp_form id=1]