Notice to vacate gin issue Bacolod sang City Legal Office sa malapit 150 ka residente sang Brgy 12.
Ginsuguran na sang City Legal Office ang pag-issue sang Notice to Vacate sa masobra 150 ka mga illegal settler families lakip na diri tag iya sang mga illegal structures nga sarang maapektuhan sang natalana nga development project sang SM Prime Holdings Incorporated sa Manokan Country sa Barangay 12.
Ginsiling ni City Legal Officer Romeo Carlos Ting, Jr., nga pending sang mangin resulta sang negosasyon nagpadala na sila sang notices kag demand letter bilang pagsunod sa napirmahan nga kasugtanan upod sa SMPHI.
Enero 8 ang gintalana nga deadline sang City Legal Office para sa mga residente.
Gani liwat nga magasugilanon si Punong Barangay Ely Alcantara sa alkalde agud nga matagaan sang 6 ka bulan ang mga residente para makasaylo sa italana nga relocation area.
Sa record sang Bacolod Housing Authority, sa initial nga 141 ka mga pamilya, nalakip diri mga sharers kag renters, 32 lang ang na-qualify para sa relocation program bangud ang iban natagaan naman sang relokasyon.