Shadow

Bacolod City kag Negros Occidental napaidalom sa gihapon sa MGCQ

Wala na ginapaabot pa sang probinsya sang Negros Occidental ang pag-elevate sang quarantine status sang probinsya sa pihak sang nagasaka nga kaso sang Covid-19.

Nagapabilin sa modified general community quarantine ang Bacolod City kag ang probinsya kag bisan may mga grupo sang doktor nga nagalaum nga mas mahugtan ang pagpatuman sang tikang kontra sa Covid-19.

Ginsiling ni Negros Occidental provincial administrator Atty. Rayfrando Diaz nga wala sila sang may mahimu kundi magsunod na lamang sa luyag sang inter agency task force karon nga napaidalom sa gihapon sa modified general community quarantine ang probinsya.

Humalin sang nagligad nga semana wala naganubo sa masobra isa ka gatus ang panibag-o nga Covid-19 cases sang probinsya sa kada adlaw. Rason nga nagpanawagan ang katapo sang infectious diseases doctors sang mas hugot nga border restrictions kag hugot nga pagpaiway sang social gatherings.

Gani magluwas sa pagpasira sang border sa non-essential travel, nagpakig-angut naman ang probinsya sa Negros Occidental Police Provincial Office para strikto nga mapatuman ang 3 day closure sa mga resorts halin sa hunyo 23-25 kag hugot nga mabantayan kag mapaiway ang mga social gathering ilabi na ang iligal nga pagpabulang.

Wala naman naghinyo pa ang probinsya sa IATF nga ma-elevate ang quarantine status sa pihak sang padayon nga pagsaka sang Covid cases.

Ang probinsya ang may yara sang 2,379 total active cases.

Sa Bacolod naman, natalana nga magpagwa sang statement ang mga grupo sang mga duktor sa siudad may angut sa pagpabilin sa gihapon sang siudad sa mgcq bisan pa naga damo ang kaso sang covid 19 kag amat amat nga nagaka puno ang mga ospital sang covid patients. 1946 ang active cases sang Covid-19 sa Bacolod.

“We have to live with it and do the best we can using our resources to get by and survive whatever it is that we are undergoing…from the past we have been communcating it seems daw waay gid man sang chances kis-a nga ang aton gusto ipatuman kag respetaron ang aton IATF,” suno kay Diaz.

Leave a Reply

Your email address will not be published. Required fields are marked *

Secured By miniOrangeSecured By miniOrange