Ang backlog cases ang isa sa mga rason kun ngaa may pag ginutok sa mga BJMP facilities sa Bacolod City. Suno sa kay Executive Judge Raymond Joseph Javier sang Bacolod Regional Trial Court, 80 porsyento sa sini nga mga kaso ang drug related.
Pinaagi sa Justice Zone, tuyo nila nga mapadasig ang pag desisyon sa mga kaso nga pending sa korte para ma decongest man ang mga BJMP facilities.
Kaina isa ka strategic planning ang ginhimo sang mga katapo sang GOJUST, ukon Governance in Justice nga gina tapuan sang nagkalain lain nga mga sector sa idalom sang justice system kaupod ang European Union.
Ini para ma istoryahan kag mapangitaan pa gid sang iban nga mga pamaagi nga mapadasig ang pagpagwa sang desisyon sa mga pending nga mga kaso.