Site icon Digicast Negros

Bacolod City isa sa mga testing site sang J&J para sa bakuna kontra COVID-19

YouTube player

Sa siyento diyes ka mga locations sang testing sang multinational corporation nga Johnson and Johnson para sa ila nga COVID-19 vaccine lima sa sini nga mga testing sites ang yara sa Pilipinas.

Tatlo sa Metro Manila kag duha sa Visayas. Sa Iloilo City kag sa Bacolod City.

Sa statement nga ginpadala sa Digicast Negros sang Communications and Public Affairs Lead for J & J Philippines Inc. nga si Ana Ongpin, ang pagpili sang mga sites ang ginhimo paagi sa pag collaborate sa gobyerno kag sa local health authorities.

Ang desisyon ginhimo man depende sa sitwasyon sang mga nag angkon sang balatian sa lugar, populasyon kag mga requirements sa tagsa ka lugar. Aprubado man ini sang IQVIA, isa ka american multinational company nga naga serbe sa patag sang health information technology kag clinical research.

“The site locations are determined in close collaboration with governments and local health authorities. The decision takes into account current disease prevalence, population demographics and regulatory authorities’ requirements. Trial sites are also approved by IQVIA,” suno kay Ongpin.

Sa Riverside Medical Center himuon ang testing pero sa kun pila ka mga participant ang kuhaon sa Bacolod, indi pa ini sa karon mapalayag. Pero ang mga qualified sa testing dapat desi otso anyos pasaka, yara sa maayong ikaayong lawas, kag maga baton man sila sang volunteers.

Dugang pa ni Ongpin kun mangin maayo ang resulta sang test nga paghahimuon sa Bacolod kag mangin aprubado na ang bakuna, padayon sila nga maga trabaho kaupod ang local kag international health authorities, government organizations, regulators kag ngo para masiguro nga matagaan sang acces ang mga pumuluyo sa sini nga bakuna.

“We will continue to work with local and international health authorities, government organizations, regulators and NGOs to ensure that, if development is successful and products approved, we achieve broad and timely access to our healthcare solutions,” suno kay Ongpin.

Naga padayon pa sa karon ang preparasyon para sa sini nga testing. Ang bakuna ang gindevelop sang Janssen Pharmaceutical Companies sang Johnson & Johnson.

Exit mobile version
Skip to toolbar