Padayon ang ginapatigayon nga Rapid Damage Assessment kag Needs Analysis sang Bacolod City Engineer’s Office, Disaster Risk Reduction and Management Office kag sang Office of the Building Official sa tanan nga pampubliko nga eskwelahan sa siudad sang Bacolod.
Suno kay Mayor Greg Gasataya nga base sa inisyal nga report halin sa rapid assessment, may apat ka mga classroom nga ginkumpirmar nga may damage.
May mga eskwelahan nga ginbisita mismo ni Gasataya sang nagligad nga semana.
May nakita nga naapektuhan sang paglitik ukon crack sa flooring sang pila ka mga classrooms nga posible resulta sang linog ukon structural stress.
Nagapadayon sa gihapon ang assessment nga ginaubra.