Wala pa ginsugdan sang Department of Health ang vaccination program para sa mga kabataan nga naga edad 11-5 years old bisan pa may yara na sang emergency use authorization gikan sa Food and Drug Administration para sa pag-gamit sang Pfizer Covid-19 vaccines.
Suno kay Dr. Edwin Miraflor , officer in charge sang City Health Office, mataas ang concentration sang dose sang Pfizer vaccine para sa mga kabataan nga naga-edad 11-5 years old.
Bangud ginakinahanglan ang manubo nga dosage ginalantaw man sang pamuno sang CHO ang posibilidad sang pagbakal sang nagakaigo nga supply sang bakuna para sa amo nga age gap.
Pero samtang wala pa man sang go signal para sa pag-administer sang bakuna para sa 11-5 years old, magahulat na lamang anay ang siudad sa national government nga mag-roll out sang supply.