One-stop shop sa mall para sa mga naga-apply sang business permits ang kutob na lang Enero 20.
Malapit na sa 10,000 ang mga business registration applications ang nabaton kag gina-proseso sang Business Permits and Licensing Office sumugod nagbukas ang one-stop shop sa Ayala Capitol Central.
Suno kay BPLO Head Stella Rayos, ila na ginatinguhaan nga mapasanyug ang internet connection sa sulod sang mall agud man ma-serbisyohan ang mga applicants on-line.
Nagalaum man si Rayos nga magsaka pa ang kadamuon sang mga applicants antes magtakop ang one-stop shop sa Enero 20.
Sarang maka avail sang 10 percent discount sa ila nga business tax ang mga negosyante nga maka-fully pay antes sang deadline.
Sa record sang BPLO nagsaka sa 8 percent ang kadamuon sang business permit applicants nga naglab-ot sa 25,371 sang nagligad nga 2023.