Bacolaodiat Festival sa Bacolod magaserbe nga senyales para sa tanan agud mag move-on gikan sa pandemic. Ginasuguran na ang pag-install sang mga dekorasyon sa Bacolod City Government Center kag Megaworold sa the Upper East nga duha sa apat ka mangin festival sites sa pagbalik sang Bacolaodiat Festival sa Enero 20-23.
Wala sang ginapaabot nga pagdagsa sang foreign visitors ilabi na gikan sa pungsod China ang katapo sang Bacolaodiat Festival Incoporated.
Pero ginalauman nila nga magabuylog ang mga local tourists para sa tuigan nga selebrasyon sang siudad kadungan sang pagsaulog sang Chinese New Year.
Ang festival ang ginalantaw sang mga organizer kag local government unit nga maga serbe nga sensyales para sa tanan agud mag move-on na gikan sa pandemic.
Sa pagbukas sang selebrasyon sa Enero 20, natalana ang Dazzling Grand Parade halin sa Megaworld asta sa BCGC. Pagasundan ini snag Ceremonial Lighting of Lanterns and Lotus kag Sparkling Symphony of Lights ukon fireworks display sa las dose sang gab-i.