Patay ang 54 anyos nga angkas nga si Violeta Garcia matapos ma sideswipe sang truck ang ila gina sakyan nga motor sa highway bahin sang Barangay San Jose sa Binalbagan sang Domingo.
Pilason man ang iya utod nga angkas man sang motor nga si Romeo Garcia, 62 anyos kag himata nga driver sang motor nga si Rudy Cano, 49 anyos.
Sa imbestigasyon sang Binalbagan PNP, pareho nga naga dalagan padulong sur nga bahin sang dalan ang truck kag motor sang hinali mag overtake ang motor sa kurbada nga bahin sang dalan.
Posible wala matapalupangdan sang truck ang motor suno sa pulis gani na sideswipe sang truck ang motor rason nga natumba. Didto kag nalapakan pa sang truck ang duha ka backrider nga nag resulta sa gilayon nga kamatayon ni Violeta.