Gin sunog sang wala pa makilal-an nga mga armado sang Sabado ang backhoe nga naga balor sang 3.5 milyones pesos sa Sitio Bulod, Barangay Carabalan sa syudad sang Himamaylan.
Suno kay Lt Arturo Margallo, deputy chief sang Himamaylan PNP, isa sa apat ka suspek ang nag papanaog sa operator nga yara sa grader, nga amo man ang caretaker sang farm to market road project sa lugar.
May gin pahayag pa suno sa pulis ang suspek sa operator may angut mgha duta nga wala pa mabayaran.
Pagpanaog, didto na gin sunog sang mga suspek ang backhoe kag nag palagyo.
Gina usisa pa sang kapulisan ang identity sang mga suspek kag kun bala sila ang katapo sang rebelde nga grupo.