Nagligad pa nga tuig sang ginmanduan ni Mayor Albee Benitez ang BACIWA-Primewater nga kakason na ang pipeline sang tubig sa tunga sang bag-o kaayo nga taytay sa Barangay Mansilingan.
Ginsiling ni DPWH Assistant District Engineer Leah Jamero nga sang sini lang nga semana, natigayon ang pag-award sang BACIWA-Primewater sang kontrata para sa construction column sa kilid sang taytay.
Diri natalana isaylo sang water utility ang pipeline nga tinuig na nga nagabalabag sa alagyan.
Sa Nobyemre 30 ginapaabot matapos ang construction sang proyekto kag ang pagkakas sang nagasablag nga tubo.
Ginalauman sang DPWH nga mas mahilway na agyan ang taytay kun makuha na tubo kag mapaiway ang peligro.