Rasyon sang tubig sa 4 ka mga barangay nga ginakabig critical areas ipatuman sang Baciwa karon nga tig ilinit.
Gin ako ni Baciwa General Manager Mona Dia Jardin ang kakulang sang supply sang tubig ilabi karon nga tig-ilinit.
Nahangpan niya man ang kabudlayan sang mga kunsomidor ilabi na sa 4 ka mga barangay nga karon kabahin sa mga critical areas nga ginatagaan na atensyon sang Baciwa-Primewater.
Nalakip diri ang Barangay Mansilingan, Handumanan, Felisa kag Alijis.
Suno kay Jardin, handa ang water utility nga mag rasyon sang tubig depende sa kinahanglan sang mga residente.
Ini magluwas sa padayon nga monitoring kag maintaince sang water wells agud mapasiguro ang supply sang tubig sa mga kunsomidor karon nga tig ilinit.